Imbabawi ti Philippine Contractors Accreditation Board (PCAB) ti lisensya dagiti siam a construction firm a kukua ni Sarah Discaya.
Dayta ket kalpasan iti panangamin ni Discaya nga aglilinnaban dagiti kompaniana para iti maymaysa a proyekto iti gobierno.
Naipakaammo a naglabsing ni Discaya iti Board Resolution No. 075, Series of 2025, ta naduktalan a kukuana iti agduduma a kompania a nakipaset iti bidding para iti maymaysa a government project.
Karaman dayta iti St. Gerrard Construction, Alpha & Omega, St. Timothy Construction, Amethyst Horizon Builders, St. Matthew General Contractor, Great Pacific Builders, YPR Construction, Way Maker OPC, ken Elite General Contractor.
Imparit payen ti PCAB iti amin a kompania ni Discaya a makipaset kadagiti pampubliko wenno pribado a construction projects iti pagilian.
