Pinirmaan ni President Ferdinand Marcos Jr. ti linteg a mang-promote iti kinatalged iti panagaramat ti nuclear energy babaen ti pannakaaramid ti Philippine Atomic Energy Regulatory Authority (PhilATOM).
Ti Republic Act (RA) 12305 wenno ti Philippine National Nuclear Energy Safety Act ket mangmangted iti komprehensibo a legal framework para iti nakappia, natalged ken secure a panagaramat ti nuclear energy iti pagilian.
Iti salinong ti linteg, ti PhilATOM ket naidatag kas maysa nga independent ken quasi-judicial body nga addaan iti naidumduma ken exclusive jurisdiction tapno yetnag ti regulatory control para iti natalged a panagaramat ti nuclear energy radiation sources iti pagilian.
Ti PhilATOM ket idauluan ti Director General a dutokan ni Pres. Marcos.
Maibasar ti linteg, ti Director General ti PhilATOM ket agserbi ti five-year term nga addaan ti Salary Grade 31 ken mabalin a madutokanan manen para iti sumaruno a termino.
