Nagbalinen a linteg ti pannakayatiddog ti termino dagiti opisyal ti Barangay ken Sangguniang Kabataan Elections (BSKE) kalpasan a pinirmaan ni Pres. Ferdinand Marcos Jr. ti Republic Act 12232.
Idi kalman ket impatulod ti Malakanyang iti Senado ti kopya ti linteg a pinirmaan ni Pres. Marcos.
Ti addang ket agbalinen nga uppat a tawen ti termino ti BSKE officials manipod iti agdama a tallo a tawen.
Naituding nga inton umuna a Lunes iti November 2026 ti barangay ken SK eleksyon imbes nga inton umuna nga aldaw iti Disyembre iti agdama a tawen.
Saan met a maipalubos nga aglabes iti tallo nga agsasaruno a termino ti barangay officials idinto a maysa a term laeng para iti SK officials.
Nabilin ti Commission on Elections (Comelec) nga idatag ti rules and regulations mainaig iti pannakaipatungpal ti baro a linteg.
