--Ads--
Maysa a lineman ti naputed ti ramayna iti napasamak nga aksidente iti national highway ti Barangay Bungro, Magsingal, Ilocos Sur.
Nabigbig ti lineman a ni Amador Foronda Dela Cruz, agtawen iti limapulo ket tallo, taga-Barangay Guimod Sur, San Juan.
Iti pannaki-uman ti Bombo Radyo Vigan ken ni PLT. Richard Pajo, agikabkabil ti lineman iti waya para iti Converge ICT Solution, walo a kadapan manipud iti kalsada idin ta ti tuktok ti trak ket naisagud iti waya a naiputipot iti imana.
Gapu iti pannakaisagud ti tuktok ti trak iti waya, natinnag ti lineman ket naputed ti akin-kannigid a kikitna.
-- ADVERTISEMENT --
Naipaagas iti ospital ti biktima ket adda metten iti natalged a kasasaad.
Nakainom ti drayber ti trak idi napasamak ti aksidente.
