Limited face-to-face classes, sagsaganaanen ti University of Northern Philippines

VIGAN CITY – Maisagsagana dagiti classroom iti University of Northern Philippines para iti limited face-to-face classes.

Segun ken ni UNP President Dr. Edwin Cadorna, adda bugdet nga inted ti national government a maaramat para iti panagsagana ti pagadalan.

Nupay kasta, posible nga iti daytoy maikadua a semestre ket malimitaran pay laeng ti face-to-face kadagiti on-the-job trainee ken laboratories.

Innayon ni Dr.Cadorna nga inton 2023 ti targetda para iti pormal a pannakaisayangkat ti face-to-face classes gapu ta naamak pay laeng ti agdama a sitwasyon nangruna ta adu dagiti agraira a variant ti Covid19.