Inrusat ti Department of Environment and Natural Resources (DENR) ti lima tawen a proyekto tapno maprotektaran ti Philippine Rise, maysa a submarine volcanic plateau iti daya ti Luzon iti Philippine Sea.
Segun ken ni Environment Secretary Raphael Lotilla, gagem ti inisyatiba a maaddaan ti napaot a proteksion iti maysa a napateg nga offshore ecosystem a mangit-ited ti benepisio saan laeng ti Pilipinas ngem ti intero a lubing.
Ti proyekto ket naawagan a PRICELESS (Philippine Rise Integrated Conservation for Enduring Legacies through Ecosystem Support Services), ket impatungpal ti DENR babaen ti Biodiversity Management Bureau (BMB), kadua ti Conservation International at Partnerships in Environmental Management for the Seas of East Asia, ken pinondoan ti Global Environment Facility.
Nakapokus daytoy iti panangpasayaat ti gobierno, koordinasion ti ahensia, panangipatungpal ti linteg, pananglaban iti ilegal a panagkalapan, ken panangitandudo ti sustainable a panagusar ti sea minerals para kadagiti kabangibang a komunidad.
