VIGAN CITY – Limapulo ket tallo a livestock grower a nadidigra iti Bagyo Maring idi napan a tawen ti nakaawat iti sagpipito a hybrid chicken manipud iti Department of Agriculture Region 1 idiay Narvacan Covered Court.
Segun ken ni Municipal Agriculture Officer Garry Cardona, 143 a livestock grower ti nakaro a nadidigra dagiti dinguenda kas ti baka, nuang, kalding ken manok gapu ti Bagyo Maring idi October 12, 2021.
Nakadepende iti kaadu ti dinguen a nadidigra ti maawat dagiti agtartaraken a naapektaran idinto a manamnama pay ti pannakaisangpet iti sangapulo ket lima a baka ken tallopulo a kalding nga aggapu iti DA Region 1 a maiwaras kadagiti agtartaraken iti dinguen a saan pay a nakaawat.
Ti nasao nga addang ket babaen iti panagtinnulong ti Department of Agriculture Region 1 ken Municipal Agriculture Office ti Narvacan a makatulong kadagiti agtartaraken iti nasao nga ili.
