VIGAN CITY – Mapilaan iti kaso dagiti lima nga uncoordinated traveler nga adda ita iti Labut Norte, Santa.
Nabigbig dagiti suspek a da Dwight Roselis, agtawen iti uppat a pulo ket dua a taga-Balangkas, Valenzuela; Ernesto Valdez, agtawen iti tallopulo ket innem a taga-Kaligayan, Novaliches, Quezon City; Cire Enrian Pagapulangan, agtawen iti duapulo ket pito a taga-Pikay, Malolos, Bulacan; Remon Espinosa, agtawen iti duapulo ket dua ken ni Johnmar Amoroso Dela Cruz, agtawen iti duapulo ket walo nga agpada a taga-Uggong, Valenzuela.
Dagiti nasao a traveler ket imbagada iti Tagudin border a mapanda idiay Abra ngem nagderetsoda iti Vigan ken adda ita iti nasao nga ili.
Gapu ta dagiti traveler ket naggapuda iti high risk areas, nabilin ti Municipal Health Office nga ihome quarantine dagiti kabbalayda.
Malaksid ti dayta, mairequire dagiti household ti masapul a ma-test nga yiskedyul ti MHO.
