--Ads--
VIGAN CITY – Inkeddeng ti Ilocos Sur Covid-19 Task Force a maidalan ti Modified Enhanced Community Quarantine iti lima nga ili ken maysa a siudad iti probinsia a napabileg babaen ti Executive Order No. 101, Series of 2021.
Segun ken ni Governor Ryan Singson, gapu iti umad-adu latta a kaso ti virus ket maipatungpal iti MECQ iti siudad ti Vigan, ili ti Bantay, Cabugao, San Juan, Sinait ken Sto. Domingo manipod September 5 agingga September 19.
Inlawlawagna nga adda dagiti ili a nakairekord iti delta variant isu a naipatungpal iti nasao nga addang.
Nupay kasta ket namnamaenna a ma-contain to met laeng iti virus iti probinsia.
-- ADVERTISEMENT --
Iti agdama 8,065 iti confirmed case ket addaan iti 1,706 nga aktibo a kaso, 156 iti pimmusay ken 6,203 iti nalaingan.
