--Ads--
Lima nga agkakalugaran ti nakemmeg a nagsusugal iti natayan idiay Barangay Tamorong, Sta. Catalina, Ilocos Sur.
Iti pannaki-uman ti Bombo Radyo Vigan ken ni Police Captain Marlon Martinez, immunan nga adda nangitawag kadakuada nga adda napigsa a sugal iti nasao a lugar isu a bineripikada ket naduktalanda a pudno.
Iti simmaruno nga aldaw, namonitor manen iti panagsugal dagiti suspek isu a naiwayat ti anti-illegal gambling operation ket naaktuan ida nga agayay-ayam iti Lucky 9.
Dagiti suspek ket damoda amin ti matiliw.
-- ADVERTISEMENT --
Kabayatana, nakumpiskar kadakuada ti baraha ken pusta a P13,129.
Linabsing dagiti suspek ti Presidential Decree 1602 wenno Anti-Illegal Gambling Act, ngem naituding iti inda panagpyansa.
