VIGAN CITY- Lima a miyembro ti pamilya Salvador idiay Brgy. Miramar, Magsingal iti mapapati a nasabidongan iti pinulutan da a butete, pakairamanan ti maysa a lalaki nga agtawen iti lima.
Ti interview ti Bombo Radyo Vigan ken ni Anita Salvador, ina dagiti biktima a da Jestoni, John Mark, kenni Jessie, ken asawa ni Marlon, nakabanniit iti maysa kadagiti anak na iti butete nga awan ti siit na nga aw-awagan da ti “dalusan” nga isu ti intuno da a pinulutan idi rabii.
Ngem itayen agsapa, nakarikna iti panagbibineg iti bagi da Marlon, Jestoni kenni Jessie, kasta pay a nagbakwa-bakwar da isu, pakairamanan ni Jericho Salvador a kasinsin da isu a naitaray da idiay magsingal Hospital ngem inbaga ti doktor a maiyalis da.
naipan idiay Ilocos Sur Provincial Hospital-Gabriela Silang dagiti aga-ama idinto a ni Jericho ket naipan idiay northside Doctors Hospital ta idi itar-taray da nga ipan idiay Gabriela ket nagpukaw ti pulso na isu nga indagas da iti nasao nga ospital idiay Bantay.
Ti agdama, maob-obserbaran pay laeng dagiti biktima a da Jestoni kenni John Mark ngemn natalgeden iti kasasaad da iti ospital, pakairamanan ti ama ken kasinsin da idinto a ni Jessie ket saan na kinayat iti nagpaospital.
