VIGAN CITY – Maipilaan iti kaso a murder ken frustrated murder dagiti walo a tattao iti napasamak a pammaltog idiay Brgy. Labut, Magsingal.
Nabigbig dagiti suspek a maipilaan ti kaso a da Guillermo Unciano, Agustin Unciano, Dante Tolentino, Archie Garcia, Menelio Oliver ken Albert Banez a manipod ti kampo ni Mayoralty candidate Alrico Favis ken kaso a Frustrated Murder kada Teofilo Urro Taasin ken Kenneth Seatriz manipod ti kampo ni Mayoralty Candidate Lorry Salvador.
Kabayatanna sumango pay ti kaso a panaglabsing ti Republic Act 10591 wenno panagikot ti iligal a paltog da Minelio Tolentino Oliver ken Eddie Unciano Unzo ta naala manipod ti naglugananda ti maysa a calibert 45 pistol nga adda iti balana.
Nabigbig metd dagiti natay manipud iti kampo ni Mayorial candidate Salvador a da Lerry Pol Harmon Torda a taga-Maratudo, Magsingal; Recto Bagani Bacdayan a taga-Ayeng, Manabo, Abra; Jovito Ramos Tumaneng a taga-Barangay Bagut, Dingras, Ilocos Norte, retirado a Philippine Army; ken ni William Sican Bulil-lit, taga-Barangay Barbaquezo, Carasi, Ilocos Norte, dati a CAFGU member ken dati a kapitan.
Dagiti nadunor manipud iti kampo ni Mayoral candidate Favis ket da Albert Ascueta Bañez a taga-San Ramon, Magsingal; Romnick Villanueva, agtawen iti duapulo ket lima, mannalon a taga-Barangay Patong, Magsingal.
Kabayatanna, pinasingkedan ni Provincial Election Officer Atty. Alipio Castillo III a naipakammudan iti nangatngato nga opisina ti commission on election iti napasamak.
Segun ken ni Castillo, natalekda a matuloy ti eleksyon ken impasiguradona kadagiti agnaed iti ili ti Magsingal, empleyado ti COMELEC ken dagiti mangisursuro nga agserbi ita nga eleksyon nga awan ti nasken a pagdanaganda.
Ibilangda nga isolate case ti napasamak ken natalekda a marisutda met laeng ti rimsua a parikut.
Innayon ni Provincial Director PCol. Wilson Doromal a dagiti uppat a natay ket awan ti dati a record-da iti kapulisan.
