--Ads--
VIGAN CITY – Umabot iti mapatta-patta a lima gasut a ribo a pisos ti nadadael a sanilua gapu ti pannakauram ti maysa a bodega idiay Barangay Sacuyya Norte, Santa.
Segun iti Santa Police Station, nakaawatda iti impormasyon manipud iti maysa nga agindeg a maur-uram ti bodega a kukua ni Richard Tan, agtawen iti uppat a pulo ket tallo, taga-Barangay 1, Vigan City.
Dagus a nagresponde dagiti kameng ti Bureau of Fire Protection ket nadepdep ti apuy iti oras ti alas otso kinse, rabii ti February 9.
Iti agdama, madukdukataln no ania ti pudno a nagtaudan ti uram.
-- ADVERTISEMENT --
