VIGAN CITY – Lima ti nakemmeg iti nagduduma a barangay iti ili ti Narvacan gapu iti kaso a Falsification by Private Individual and Use of Falsified Document.
Nakemmeg babaen ti bileg ti warrant of arrest ni Anacita Cabalce, agtawen iti limapulo ket walo a taga-Brgy Orence a ti warrant of arrest na ket inparuar ti Judge MCTC Narvacan-Nagbukel-Santa,Narvacan, Ilocos Sur a napetsaan idi March 30, 2022.
Idiay Brgy Sucoc a natiliw ni ni Iron Caberto, agtawen iti tallopulo ket tallo, government employee babaen ti bileg ti warrant of arrest nga inparuar ti Acting Presiding Judge MCTC, Narvacan-Nagbukel-Santa, Narvacan a napetsaan a napetsaan idi March 30, 2022.
Nakemmeg met idiay Brgy Aquib ni Emiliano Viloria, agtawen iti limapulo ket tallo, naasawaan nga agnaed ti nasao a lugar babaen ti bileg ti warrant of arrest.
Idiay Brgy Sta Lucia ti nakakemmegan ni Engr. Edmund Soliven, agtawen iti limapulo ket walo, naasawaan idinto a da Timoteo Santiago, agtawen iti limapulo ket innem ken ni Arceli Santiago, agtawen iti uppat a pulo ket innem a taga Sitio Centro, Brgy Orence Narvacan ket agpapada a nairuaran iti warrant of arrest babaen iti korte suprema.
PHP18,000 ti nailatang a pagpyansa ti tunggal maysa kadakuada para ti temporaryo a pannaka-wayawayada.
