--Ads--
Natay dagiti lima a tattao idinto a siam iti nadunor iti aksidente a napasamak idiay Brgy. Balingcanaway, Tarlac City.
Segun ken ni PLt. Col. Ranier Mercado a hepe ti Tarlac PNP, mapapati a naawanan ti kontrol ti driver ti closed van isu a naidungpar iti maysa a metal fence iti Central Luzon Link Expressway (CLLEX).
Agpapada a trabahador manipod Caloocan City dagiti biktima nga agturong koma idiay Cabanatuan City, Nueva Ecija.
Nadunor met ti driver isu a naipan iti ospital para iti pannakatamingna.
-- ADVERTISEMENT --
Agtultuloy iti imbestigasyon dagiti otoridad mainaig iti insidente.
