VIGAN CITY – Lima ti nakemmeg iti quarantine checkpount idiay Brgy. Lungog, Narvacan gapu ti panaglabsingda iti pagannurotan no mapan iti sabali a probinsia
Iti pannakiuman ti Bombo radyo Vigan ken ni Plt. Col Dexter Paredes, Border control over all supervisor, dua ti nakemmeg iti Quarantine Checkpoint iti Narvacan nga isuda Nilzon Jayapee, agtawen Iti tallopulo ket tallo a taga Zone 1 Bangued, Abra ken ni Rogel MAnzano, agtawen Iti duapulo ket siam a taga-Brgy. Bulala Lapaz, Abra gapu ti panangiparangda iti peke nga antigen result idi mapanda koma idiay Manila.
Iti nasao metlaeng a lugar ti nakakemmegan ni Richard Arellano, agtawen ti uppat a pulo ket dua a taga Bambang, Sta Cruz, Manila a mapan koma idiay Abra ken simrek iti probinsia idi January 27 ngem napan pay laeng iti Candon ken Narvacan.
Ni Armando Mangampo, agtawen ti uppat a pulo ket tallo a taga Manoyo, Las Piñas City ken ni Arianne Horteza a taga Pasay City a mapan koma idiay Abra idi January 28 ngem nagsardengda idiay Candon ken saanda nagpainspeksyon iti border.
