VIGAN CITY – Lima ti nakemmeg a nagsusugal babaen ti pannakaiwayat ti anti-illegal gambling operation iti siudad ti Vigan ken iti ili ti Sta. Cruz.
Manipud iti Barangay Camanggaan, Vigan City ket nakemmeg dagiti dua a nagsusugal idinto a maysa ti nakalibas.
Dagiti nakemmeg ket da Cenia Esmirinda Sabado, agtawen iti uppat a pulo ket uppat, agnaed iti Barangay Camangaan, Vigan City; Pilipinas Eligio Ponce, agtawen iti tallopulo ket lima, agnaed iti Barangay Ayusan Norte, Vigan City.
Naaktuan dagiti suspek nga agayay-ayam iti tong its ket naala kadakuada ti maysa a set ti braha, maysa a piraso ti folded table, dua a piraso ti plastic monoblock chairs, maysa a kayo a lamisaan ken pusta a PHP225.
Manipud met iti Barangay Dili, Sta. Cruz ket tallo ti nakemmeg a nagsusugal.
Nabigbig dagiti suspek a da Cindy Lardizabal Doctolero, agtawen iti duapulo ket pito ken ni Bien Capillyan Benido, agtawen iti limapulo ket tallo nga agpada nga agnaed iti Barangay Dili idinto a ni Mark Chris Jallorina Ringor, agtawen iti duapulo ket walo ket agnaed iti Tres Liberation Street, Vigan City.
Naaktuan dagiti suspek nga agaayam iti pusoy iti maysa a natay ket naala kadakuada ti pusta a PHP1,800.
Nupay kasta, sangwen dagiti suspek ti kaso a panaglabsing iti Presidential Decree 1602 wenno Anti-Illegal Gambling Act.
