VIGAN CITY – Lima a tattao a naglabsing iti protocol ti natiliw idiay Brgy. San Antonio, Narvacan.
Nabigbig dagiti suspek a da Rommel Fang, agtawen iti tallopulo a taga-Anduyan, Tubao, La Union; Fernando Hermosora, agtawen iti uppat a pulo ket maysa; Winston Yambot, agtawen iti uppat a pulo ket tallo; Romeo San Pedro, agtawen iti uppat a pulo ket innem nga agpapada a taga-Nueva Ecija; ken ni Ardemer Cresanta, agtawen iti tallopulo ket walo a taga-Bulacan.
Dagiti lima a nakalugan iti Isuzu close van, Toyota Innova, ken Isuzu crosswind ket simrekda iti border nga awan dagiti naan-anay a health protocol requirements-da.
Mapapati a dagitoy ket agideliver iti food products, hardwar ken poultry supplies iti ili ti Narvacan ngem awan ti papelesda tapno makastrek ditoy probinsia.
