Lima a pulis a kameng ti Provincial Mobile Force Company ti Shariff Aguak ti nakumpirmaran a natay basar iti impormasion nga inruar ni PNP-BARMM spokesperson Capt. Steffi Salanguit.
Napasamak ti ambush iti paset ti Barangay Mother Poblacion, Shariff Aguak, Maguindanao del Sur idi rabii, Marso 28.
Dagiti biktima ket kameng ti 2nd Provincial Mobile Force Company ng Maguindanao del Sur PNP.
Basar iti imbestigasion, nakalugan dagiti pulis iti PNP Mobile car idi in-ambush isuda dagiti suspek bayat nga agsubli da iti Camp Datu Akilan, Maguindanao Del Sur Police Provincial office a naggapu da iti panag-patrolya idiay Shariff Aguak town proper.
Agdama ti nainget nga imbestigasion no ania ti motibo ti insidente ken no sino dagiti adda iti likudan ti panag-ambush.
