--Ads--
Lima a pulis ti dinutokan ti Abra Police Provincial Office nga agserbi kas electoral board iti 2025 National and Local Elections ita nga aldaw.
Iti pannaki-uman ti Bombo Radyo Vigan ken ni PLTCOL. Daniel Pe-ey, Public Information Officer ti Abra PPO, nagsanud dagiti mangisursuro gapu iti personal a rason kas ti awan nga agbantay kadagiti annakda.
Uppat a polling precinct iti ili ti Tineg nangruna iti Coyou Elementary School, Tineg Central School, Lanes Daycare Center, ken Lapat-Balantay Primary dagiti naapektaran iti panagsanud dagiti mangisursuro.
Iti agdama, agultuloy ti panagbantay ti kapulisan kadagiti nadumaduma nga ili ita nga eleksyon.
-- ADVERTISEMENT --
