Lima a Pilipino idiay Myanmar ti nagaburan iti debris ti narpuog a condominium gapu iti magnitude 7.7 a gingined idiay Myanmar idi kalman, ken narikna pay idiay Thailand.
Iti pannaki-uman ti Bombo Radyo Vigan ken ni Bombo International News Correspondent Jornalyn Villasante nga adda idiay Yangon, Myanmar, karaman kadagiti lima a nagaburan dagiti agassawa ken maysa a mangisursuro nga agingga ita ket masapsapul pay laeng.
Gapu iti buteng dagiti dadduma a Pilipino idiay Myanmar ket nangbangonda iti tent a pagyananda ta adda pay laeng dagiti mariknada nga aftershock.
Iti las ud ti mano a tawennan a kas mangisursuro idiay Myanmar ket kunana a daytoyen ti kapigsaan a gingined a nariknana.
Pagyamanna a natalgedda kalpasan ti gingined ken nakamonitoe ti Philippine Embassy idiay Myanmar iti kasasaadda.
