Lima a parrot, napagsisina gapu iti panagsaoda iti dakes

Lima a parrot iti Lincolnshire Wildfire Park iti napagsisina gapu iti madi a nasursuroda a sarita.

Nagdaras gamin a nasursuro da Billy, Elsie, Eric, Jade ken Tyson iti dakes a sarita manipod kadagiti bisita wenno turista a kasla pagragsakanda pay.

Tapno maliklikan a makasursuro dagiti dadduma pay a parrot iti madi nga ugali da ken uray dagiti ubbing a makakita kadakuada ket napagsisinada ken naipan iti agduduma a paset iti parke.

Immunan nagkakadua dagiti parrot iti quarantine sakbayda a nairaman iti dakkel a grupo iti 200 grey parrots.