VIGAN CITY – Nakemmeg dagiti lallaki a nagsusugal iti maysa a natayan idiay Brgy. Puro, Magsingal iti naiwayat nga Anti Illegal Gambling Operation.
Dagiti suspek ket ni Franky Torricer , agtawen iti uppat a pulo ket tallo, mangngalap; Loel Tagay agtawen iti limapulo, mangngalap; Emerson Torricer, agtawen iti duapulo ket tallo Taloza nga agpapada a taga-Puro idinto a ni Malbino Acena, agtawen iti tallopulo ket lima, construction worker; Archie Acena, agtawen iti tallopulo, construction worker nga agpada a taga-Beddeng Laud, Vigan City.
Iti pannaki-uman ti Bombo Radyo Vigan ken ni Police Major Joel Castillo, hepe ti Magsingal Municipal Police Station, ipapatungpal da laengen iti Executive Order No. 2 ni Governor Ryan Singson kasta met iti agtultuloy a kampanya da kontra kadagiti agsusugal.
Malaksid iti panagaayayam da iti baraha saan a sinurot dagiti suspect ti health protocol kas iti panagsuot ti facemask ken social distancing.
Mamati ni Castillo nga imposible a saan nga ammu dagiti natiliw da nga madi iti agsusugal kangrunaan adda iti sangsangwen a pandemya.
Addan iti Magsingal Municipal Police Station dagiti lima a nagsusugal ti Pusoy tapno dumalanda iti husto a proseso.
