VIGAN CITY – Lima a lalaki ti nakemmeg iti naiwayat nga Anti-IIlegal Gambling operation diay Brgy Padaoil, Sta Cruz.
Nabigbig dagiti suspek a da Guillermo Cabaya , agtawen ti innem a pulo ket lima nga agnanaed idiay Brgy Coscosnong; Isagani Gadong Jr., agtawen ti tallopulo ket innem, Oliver Mecos, agtawen ti duapulo ket lima a taga-Brgy San Nicolas, Candon City, Noel Domingo, agtawen ti tallopulo ket siam a taga Brgy Bagar, Candon City ken Jordan Habon a taga-Brgy. Banay, Sta Cruz.
Iti pannki-uman ti Bombo Radyo Vigan kenni PLT. Daniel Alviar, OIC ti Sta. Cruz Municipal Police Station, umuna a gundaway dagiti suspek iti nakemmeg gapu iti panagay-ayamda iti pusoy dos.
Segun ken ni Alviar, dagiti nakasibilyan nga operatiba iti agpaliiw kadagiti agsusugal idinto nga isuda a uniformed personnel ket naka-standby iti perimeter.
Inlawlawagna a dagiti nakemmegda iti kallabes iti mangmangted met laeng kadakuada iti impormasyon kadagiti agsusugal.
Naala kadakuada iti maysa a set iti baraha, pusta nga aggatad iti tallo gasut innem a pulo ket lima a pisos, maysa a monobloc a lamisaan ken sangapulo a monoblock a tugaw.
Kabayatanna, dagiti nakemmeg ket immunan a naipan iti Ilocos Sur District Hospital, San Juan Sta. Lucia para iti medical examination ngem insigida a naiyakar iti Sta Cruz Police Station tapno dumalan iti husto a proseso.
