VIGAN CITY – Mapilaan ti kaso dagiti lima a naglibas idi kalman April 11, 2022 iti naiwayat nga operasyon kontra kadagit nagkukullangat idiay Brgy. Al-aludig, Santiago, Ilocos Sur.
Iti pannaki-uman ti Bombo Radyo Vigan kenni PLt. Godofredo Ribuyaco, hepe ti Santaigo Municipal Police Station, nabigbigdan dagiti lima a nakalibas a nagkukullangat iti kabanbantayan a paset ti nasao a barangay a nakakemmegan ti maysa a senior citizen nga agtawen ti walo pulo ket maysa a ni Ramon Escritor.
Nagpalagip ni Ribuyaco kadagiti umili a saan a mangisayangkat wenno mainaig iti iligal a panagsugal ta aktibo iti kampanya ti PNP kontra kadakuada.
Iti agdama, maisagsaganan dagiti naananay a dokumento para iti pannakaipila ti kaso a panaglabsing ti PD 449 wenno Illegal Cock Fighting kontra kadagiti suspek.
