VIGAN CITY – Lima a nagsusugal ti nakemmeg iti naiwayat nga Anti-Illegal Gambling operation idiay Barangay Bongtolan, Vigan City.
Nabigbig dagiti suspek a da Mark Glenn Alpa, agtawen iti tallopulo ket maysa ken ni Moises Pila Jr, agtawen iti uppat a pulo a taga-Cabaroan Daya, Vigan City; Elmer Adona, agtawen iti uppat a pulo ken ni Manuel Real, agtawen iti tallopulo ket uppat a taga-Barangay Bongtolan; Jose Castillo, agtawen iti innem a pulo ket dua a taga-Cabaroan Laud ken ni Francisco Pescador, agtawen iti limapulo ket innem a taga-Sagpat, Bantay.
Naaktuan dagiti suspek a nagaayam iti Lucky 9 ket naala kadakuada ti maysa a plastic table, siam a plastic monoblock, maysa a set ti baraha ken pusta nga PHP8,755.
Nupay kasta, sangwen dagiti suspek ti kaso a panaglabsing iti Presidential Decree 1602 wenno ti Anti-Illegal Gambling Act.
