VIGAN CITY – Nabigbigen dagiti lima a miyembro ti Kilusang Larangang Gerilya South Ilocos Sur a pimmusay iti napasamak a rinnupak idiay Brgy. Suagayan, Sta. Lucia, Ilocos Sur.
Nabigbig dagiti pimmusay a da Rolando Marvil agtawen tallo pulo ket maysa tubo ti Brgy. Bugnay, Candon, Joseph Capulas alyas Asyong tubo ti Sitio Lingaw, Brgy. Pidpid, Sta. Cruz, Commanding Officer ti Squad Dos ken Tres, Joy Alped tubo ti Brgy. Palacapac, Candon, Leader ti Squad Tres Assault Team ken Bomb Expert kenni alyas Maymay a mapapati a Medical Officer nga adda iti salinong ni Ka Nero a binigbig dagiti dati a miyembro ti NPA a simmuko.
Binigbig met ti pamilyana ni Edgar Justo a maysa kadagiti pummusay a Team Leader ti Platoon 2.
Kabayatanna ti seafaerer a pimmusay a nairaman iti nasao a rinnupak ket ni Diosdado Gadia Valdez agtawen tallo pulo ket lima nga agnaed ti Brgy. Parioc 1st Candon City a naipagarup a miyembr ti Philippine Army iso a pinapatay dagiti NPA.
