VIGAN CITY – Lima a menor de edad ken maysa nga agtawen iti duapulo ti natiliw dagiti kapulisan iti naiwayat a buy bust operation idiay Brgy. San Julian Sur, Vigan City.
Basar ti report manipod ti Vigan City Police Station, insayangkatda ti nasao nga operasyon iti nasao a barangay kontra ti suspek a lalaki nga agtawen iti sangapulo ket pito ken naaktoan ida ti PNP a manarimaan iti pot session-da.
Innayon ti otoridad a dagiti natiliwan nga agpo-potsession ket agtawen iti sangapulo ket innem, sangapulo ket pito ken duapulo pakairamanan ti dua a babbai nga agpapada nga agnaed iti Vigan City.
Naala manipod kadakuada ti mapapati a napagango a bulong ti marijuana a mapatta-patta nga agdagsen iti sangapulo ket lima a gramo.
Iggemen ti PNP dagiti menor de edad tapno dumalanda iti husto a proseso.
