VIGAN CITY – Tallo a sag-lima a kilo iti nagatang a bin-i ti maysa a mannalon idiay Cagayan ti adda nakaipan a “not for sale” iti langgusti a nagtaud iti Department of Agriculture.
Iti pannakiuman ti Bombo Radyo Vigan ken ni Brian Laforga a taga-Cagayan, saanna koma nga ammo ti maipapan ti nasao a banag nu saanna a nabuya iti maysa a friend na iti facebook a nag-live ket impakitana dagiti nagatangna a saan koma a mailako.
Segun ken ni Laforga, kumpirmaranna nu nakagatang met ti kas ti nabuyana ket idi kinitana iti langgusti, napaneknekanna a saan a rumbeng a mailaklako ti nasao a bin-i.
Inlawlawagna a gimmatangda iti bin-i ta nay-ayoda iti presyo a nalaka ta nu 15 kilos iti gagangay a magatang ket P4,500 iti presyona idinto a ti nagatangda ket aggatad iti 750 ngem saanda nga impagarup a kukua gayam ti gobierno ti nagatangda.
Innayonna a saan a nakadkadlaw a napigketan laeng nagatangda ta napintas iti pannakaipan ti naipatong nga sticker.
Kabayatanna, mapapati a nagtaud dagiti nasao a bin-i iti Department of Agriculture – Region 3 ket saan a ti DA-region 2.
