Lima nga agpaidasig a konsehal idiay Pilar, Abra ti nagsanod ti kandidaturana tallo pulo ket dua nga aldaw sakbay ti May 9, 2022 election.
Iti pannaki-uman ti Bombo Radyo Vigan kenni Election Officer Rodrigo Basa II, personal a nagturong ti opisinada da Leilanie Disono, Teresita Doral, Rogelio Ciervo, Timoteo Dasalla ken Macario Guzman iti salinong ti gropo a Kilusang bagong Lipunan ken kaddua nga agpaidasig da Mayor Maro Somera ken kabsatna a Vice Mayor Jaja Josefina Disono.
Awan iti nakaikabil a rason wenno statement dagiti lima no apay nga agsanudda iti kandidatura a parang sangguniang bayan.
Innayon ni Basa a sakbay ti withdrawal dagiti lima a kandidato nagwaras ti social media idi kalman iti gandatda nga agturong ti opisina ti comelec.
Ti agdama tallo laengen a konsehal ti kaddua da Mayor Maro Somera ken Vice Mayor Jaja Josefina Disono nga isuda Mario Banez, George Sotelo ken Cresencia Ferido.
