VIGAN CITY – Lima a kameng ti Santa Municipal Disaster Risk Reduction and Management Office ti balligi a nakaturpos ti five-day training program ti Office of the Presidential Assistant for Northern Luzon babaen ti Office of Civil Defense Regional Office I.
Iti pannaki-uman ti Bombo Radyo Vigan ken ni Vince Clyde Cardenas ti MDRRMO Santa, ti nasao a training ket adda pakainaiganna ti disaster-related topics ken hands-on exercises ken simulations.
Dagiti lima a nasanay a kamengda ket mabalindan a mangidaulo ti Community-Based Disaster Risk Reduction and Management kadagiti komunidad ken mapasayaat ti disaster preparedness.
Segun ken ni Cardenas, last minute a nairaman dagiti lima nga operation staff da, ta adda laeng dagiti napagasatan a napili, ngem gapu ta adda dagiti nagsanud, isu nga irekomendarna ida ta adda iti talekna kadakuada a maleppasda ti nasao a training program.
