--Ads--
VIGAN CITY – Lima a kalding a mapatta-patta nga aggatad ti Php20,000 ti natakaw idiay Calaoaan, Candon City.
Iti pannaki-uman ti Bombo Radyo Vigan ken ni Geobert Valdez, inyapunna iti malem idi July 29 dagiti kalding na iti kulunganda, ket idi alas singko ti parbangon idi mapan kuma agruot ti kanen dagiti kalding na, nakigtut ta awanen dagiti tarakenna.
Segun kenkuana, malasin a napuersa iti kulunganda a nalukatan ken awan iti aniaman a nadnadlawda a napan nangala kadagiti tarakenna.
Dagiti kalding na ket dua iti masikug ken adda pay aggi-ina.
-- ADVERTISEMENT --
Kinunana nga umuna a gundawayna ti natakawan iti dingwen isu a panawaganna kadagiti nakakita nga ipakaammoda laeng kenkuana nu adda impormasyonda tapno maisubli dagiti tarakenna.
