VIGAN CITY – Maysa a lane ti Suyo- Cervantes road iti saan a madalanan dagiti motorista ken dagiti tattao gapu ta nagreggaay iti paset ti bantay iti diretso a panagtudtudo na kas pinasingkedan ni Mayor Mario Subagan.
Malaksid iti dayta, adda pay dagiti sabali a lugar idiay Suyo a nakapadas ti panagreggaay iti daga gapu pay laeng ti agdama a mapadpadasan a panagtudtudo.
Kabayatanna, idiay met ili ti Tagudin, lima a barangay iti maibilang nga isolated ta saan da a makalasat idiay Amburayan river ta nangato ti lebel ti danum na ken napegges pay ti ayus na.
Dagiti nasao a barangay a temporaryo a na-isolate ket ti Barangay Pudoc East, Pudoc West, Sawat, Baritao ken Pacac.
Idi August 14, rescue boat ti Tagudin Municipal Disaster Risk Reduction and Management Council iti inaramat ti Bureau of Fire Protection – Tagudin tapnu maiballasiw dagiti agindeg kadagiti nasao a barangay a mapan iti ili.
