Makikaysa ni Senate President Chiz Escudero iti inisyatibo ken panawagan ni Senate Minority Leader Tito Sotto III a mangkidkiddaw iti liderato iti Senado a mangisayangkat ti mandatory random drug test kadagiti empleado ti Senado.
Ti addang ket sungbat ni Escudero iti surat ni Sotto, ket kinunana nga addan ti tulagan iti Senado ken East Avenue Medical Center idi March 20, 2025 para ti random drug testing ngem naisanud pay laeng gapu ti 2025 midterm elections.
Pinasingkedan ni Escudero ti surat idi 2018 agingga 2020 nga adda naipatungpal a mandatory random drug testing iti salinong ti panangidaulo ni dati a Senate President Sotto ngem adda nagipila ti administratibe case gapu iti panangserrekda iti karbengan iti sumagmamano nga empleado.
Manipod 2020 agingga nalpasan ti termino ni Sotto idi 2022 ket nasuspenso ti random drug testing gapu ti mapaspasaran a covid-19 pandemic ken saanen a naisubli iti 19th Congress.
Masimsimpan ti baro a policy order iti panangisayangkat ti mandatory randon drug test ken manarimaanen ti pannakaidalanna ti konsultasyon.
