VIGAN CITY – Agpatingga laengen inton June 30 ti libre sakay ti Land Transportation Franchising and Regulation Board ti probinsya ta maadal pay no maituloy ti nasao a programa.
Iti pannaki- uman ti Bombo Radyo Vigan kenni Arnold Paino, driver ti CITRANSCO, sangapulo ket tallo a unit ti cooperatibada ti nakikinnammayet ti LTFRB para iti nasao a programa a dakkel a tulong kadagiti umili ken kadakuada a driver ta saandan a makigasanggasat a mangsapol iti pasaheros ti kalsada iso a mangnamnamada nga ituloy ti sumaruno nga administration iti nasao a programa.
Adda iti nailatang nga oras iti panangrugi ken panagleppas ti libreng sakay tunggal aldaw a mangrugi iti oras ti 7:45 ti bigat agingga 3 ti malem ken kadagiti sumarunon to nga orasen ket addan ton iti bayadanda a plete.
Sakbay nga aglugan dagiti umili ket adda iti health declaration ken pirmaanda a pakakitaan a nagitulodda kadagiti pasaheros ken panangibasaran ti sueldoda.
Saan laengen a dagiti driver ti CITRANSCO iti mangnamnama a maituloy iti nasao a programa no ketdi dagiti umili.
