VIGAN CITY – Inaprubaran ni Mayor Jesus “Popoy” Bueno ti pannakaisubli ti Libreng Sakay para sa mga Santanians na Manggagawa at Mag-aaral gapu ti kaadda iti kontrata a pinermaan ti Land Transportation Franchising and Regulatory Board ken dagiti Public Utility Vehicle drivers a point-to-pount ti panagbiaheda.
Malaksid dayta, awanen ti PUV nga agrubuat idiay Parada, Santa a mapan idiay Vigan City sipud Abril 27 agingga Mayo 15.
Mangrugi met inton Lunes, Mayo 6-10 ken inton Mayo 13-15, tallo a lugan ti ili ti agitulod kadagiti mapan agsapul ken agadal idiay Vigan City.
Alas sais y medya ti bigat nga agrubat ti umuna a lugan nga aggapu idiay Parada; alas sais kwarentay-singko ti bigat met a pumanaw ti maikadua a lugan ken alas siete iti bigat ti maudi a lugan nga agpa-Vigan.
Dagiti nasao a lugan ket agbiaheda ti naituding nga oras, mapunno man wenno saan.
