VIGAN CITY – Inton bigat ti maudin a panagpalista kadagiti interesado a mangavail iti idiaya ti Land Transportation Free Theoretical Driving Course inton May 11 agingga 12 idiay Barangay 2 covered court.
Iti pannaki-uman ti Bombo Radyo Vigan ken ni SK Federated Brando Tabuno, para laeng kadagiti agindeg iti ili ti Bantay ti nasaonga aktibidad ken limapulo a slot ti targetda.
First come first served basis ngem no nasursurokto pay ti umay ket mabalindanto latta met nga awaten.
Dagiti interesado ket masapul a Filipino citizen, sangapulo ket innem ti tawenna, makabas ken makasurat iti Filipino ken English.
Kabayatanna, dagiti met requirements ket Birth Certificate nga aggapu iti PSA ket no naikasar, masapul ti marriage certificate; active email address ken LTO client ID a maala manipud iti portal.lto.gov.ph.
Dagiti mapan agipasa iti requirements-da ket agturongda laeng iti opisina ti Sangguniang Bayan.