Libre a sakay para kadagiti mapan aggatang ti kasapulanda a taga-Bantay, indiaya ti lokal a gobierno

VIGAN CITY – Mangidiaya iti libre a sakay para kadagiti umili a mapan aggatang kadagiti kasapulanda iti kangitingitan ti enhanced community quarantine ti lokal a gobierno ti Bantay.

Dayta iti pinasingkedan ni Municipal Disatster Risk Reduction and Management Council (MDRRMC) Officer Roberto Reboroso iti pannaki-uman kenkuana ti Bombo Radyo Vigan.

Alas otso iti agsapa agingga alas singko iti malem iti oras ti libre a sakay para kadagiti agindeg idiay ili ti Bantay ket adda ti numero a mabalin a tumawagan dagiti umili tapnu maka-avail da iti libre a transportasyon.

Impasigurado ni Reboroso a maipatungpal latta ti social distancing para kadagiti aglugan tapno masigurado a saanda a maakaran wennu saan da nga agi-innakar ti virus.