Idurduron ni House Majority Leader ken Ilocos Norte Representative Sandro Marcos a pagbalinen a libre ti kuryente kadagiti pamilia a nababa ti konsumona.
Nakaipauneg dayta iti impila ni Marcos a House Bill 2700 wenno gakat a “free electricity for low-consumption households act”.
Target ti gakat nga ikkaten ti agdama a cross-subsidy system tapno sukatan ti direct government subsidy a mangbayad ti electric bills kadagiti kualipikado a household a mabalin iti monthly threshold.
Iti salinong ti gakat ket saanen a mapatawan ti 12% value-added tax wenno vat ti paset a bayadan iti gobierno.
Maibasar ti gakat ni Rep. Marcos, ti eligible household ket addaan ti average monthly consumption a saan nga aglabes iti 135 kilowatt-hours iti uneg iti tallo a bulan wenno monthly bill a saan a nasursurok iti 2,000 pesos.
