--Ads--
Umabot iti pito a milion a pamilia ti nakaganar iti libre a bagas nga inwaras ti gobierno iti salinong ti Bagong Pilipinas Rice Program.
Segun ken ni Executive Secretary Ralph Recto, nainget ti bilin ni Presidente Ferdinand Marcos Jr a masigurado nga awan ti mapanawan ken mabisinan a pamilia a Pilipino.
Idi naglabas nga aldaw ket indaulwan ni Recto ti pannakaiwaras ti sag-10 kilos a bagas kadagiti 55,000 a pamilia idiay Oriental Mindoro kadua dagiti dadduma pay a serbisio ti gobierno.
Karaman iti inisiatiba ti Marcos administration ti panaggatang iti bagas manipud kadagiti mannalon a mangpatpatibker iti doble a benepisio ti programa.
-- ADVERTISEMENT --
