VIGAN CITY – Agsapsapul ti LGU-Santa iti duapulo a qualified college graduates, dagiti nagturpos iti high school ken senior high wenno dagiti kayatna ti dumalan iti Government Internship Program nga agpaot iti tallo a bulan ti minimum ken maximum iti innem a bulan.
Dagiti aplikante ket kasapulan a Bachelor’s Degree holder ken high school ken senior high school graduate, dagiti dimmalan iti ALS wenno dagiti voch-tech graduates; masapul a residente iti Santa; kabaelanna ti agubra iti minimum supervision; adda naan-anay nga ammona iti Windows ken MAC application; 18-30 years old; addaan iti good communication skills iti oral ken written; ken mabalin uray no awan padasna iti panagtrabaho.
Dagiti requirements ket pakairamanan ti Personal Data sheet with picture, Transcript of Record no nagturpos iti college ken Form 137 wenno 138 para kadagiti High School Graduate idinto a certificate of Graduation met no Voch-Tech Graduate.
Mabalin pay ti uray a nia a certification manipud iti pagadalan wenno institusyon kasta payen ti dokumento wenno pammaneknek para iti nasao a banag.
Dagiti interesado ket mabalinda nga ipasa ti aplikasyonda iti HR-Office manipud June 21-23 bayat ti office hours. Mai-schedule danto met iti interview ken mai-endorsonto dagiti mapili para iti nasao a programa iti Department of Labor and Employment.
