VIGAN CITY – Awan iti naan-anay a pondo a nailatang para ti antigen test ti covid-19 para kadagiti agawid nga Returning Resident, Returning Overseas Filipino ken Locally Stranded Individual iti ili ti Caoayan.
Iti pannaki-uman ti Bombo Radyo Vigan ken ni Caoayan Mayor Germelina Goulart, inlawlawagna a saan a libre ti antigen test dagiti agawid a kas iti dadduma nga ili ta saan a dakkel iti pondo iti lokal a gobiernoda.
Segun ken ni Goulart, adda iti 4th class iti ili ti Caoayan a nakadependar laeng iti maiprograma a pondoda iti lokal a gobierno isu nga agsapsapulda iti nayon a pondo para iti antigen test.
Innayonna pay a saan laeng a dagiti antigen test iti paggastosan ti local a gobierno ta idi napalabas ket ginastosanda iti kada aldaw dagiti naidalan iti quarantine.
