LGU- Candon City, tulungan da iti pamilya ti natay a PMA cadet

VIGAN CITY – Nakasagana iti local a gobiyerno ti Candon City a tumulong iti pamilya ni Cadet 2nd Class Cedrick Gadia a pimmusay gapu ti Stage 4 Esophageal Cancer with liver and lung metastasis kas inpasigurado ni Candon City public information officer Jun Balbin.

Segun ken ni Balbin, ni Gadia ket agtawen ti dua pulo ket tallo nga agnaed idiay Parioc Primero, Candon City a sakbay a simrek iti Philippine Military Academy ket nagbasa pay ti Bachelor of Science in Criminology idiay North Luzon Philippine State College.

Naduktalan iti sakit na kalpasan a naospital idi August 29 idiay Fort Del Pilar Station Hospital.

Kinunana, naiyalis idiay AFP Medical Center idiay Quezon City idi September 5 ti biktima nga isu iti naka-diagnosan dagiti doctor a Stage 4 iti cancer a sagsagabaen na agingga a pimmusay idi October 28.