VIGAN CITY – Binalakadan ti Legal Network for Truthful Elections (LENTE) ti Commission on Elections ken Kongreso a pagpatangan da a naimbag iti isyu inaig iti panangala iti baro a kompanya a mangsukat ti Smartmatic para ti 2022 presidential elections.
Segun ken ni LENTE Executive Director Atty. Ona Caritos iti pannaki-uman kenkuana ti Bombo Radyo Vigan, naibaga na nga adda dagiti banag a masapul nga ikonsidera ti Comelec ken dagiti agpanpanday linteg inaig iti panangsukat da ti Smartmatic
Dayta ket kas panangsurot iti bilin ni Presidente Rodrigo Duterte iti opisina ti Comelec idi nagsarita iti sangwanan dagiti miyembro ti Filipino community idiay Japan.
Kinunana, masapul a denggen dagiti agpanpanday linteg ti poll body ta nu dadduma ket arigna awanen iti sabali a pagpilyan da nu saan a gatangen dagiti makina nga immunan a nausar kadagiti napalabas nga automated elections ta awan iti pondo a nakailatang para kadagiti baro a makina nga aggapu iti baro a kompanya nga alaen da.
