--Ads--
Madanagan ni House Deputy Minority Leader Mamamayang Liberal Party-list Rep. Leila de Lima iti kaudian a pasamak a kinaranggas idiay West Philippine Sea (WPS).
Segun ken ni de Lima, kondenarenna ti harassment iti China Coast Guard (CCG) idiay West Philippine Sea pakairamanan iti deliberate firing iti water cannons iti Filipino fishing boats a nakadunoran iti tallo a mangngalap kasta pay iti napeggad a tignay kontra iti Philippine Coast Guard vessels.
Ti insidente ket napasamak iti asideg ti Sabina Shoal wenno Escoda Shoal idiay West Philippine Sea idi December 12, 2025.
Impaganetgetna a ti nasao a panaglabsing iti karbengan dagiti mangngalap ket masapul ti urgent ken insigida a tignay manipod gobierno.
-- ADVERTISEMENT --
