VIGAN CITY-Inpasigurado dagiti kakadwa ni Ako Bicol partylist Rep. Rodel Batocabe a magun-od ti hustisya iti pannakapapatay na kalpasan nga innaganan ti Philippine National Police ni incumbent Daraga , Albay mayor Carlwyn Baldo a maatap nga utek iti krimen.
Ti exclusive interview ti Bombo Radyo Vigan kenni Ako Bicol Partylist Rep. Alfredo Garbin, kinunana a ti pannakainagan ni Mayor Baldo ti nangpatibker ti atap da idi umuna nga isuna ti utek iti pannambang kenni Batocabe ket tarigagayan da a makonbiktaran iti korte dagiti amin a suspek tapno magun-od ti naan-anay a hustisya.
Inaig iti dayta ket pappapigsaenen ti legal team ni Batocabe ti kaso kontra iti nasao a mayor ta ado dagiti kaklase na idiay UP College of Law a nakasagana a tumulong tapno maitalmeg ken maibalud dagiti suspek.
Patien ni Garbin a sakbay ti eleksyon ket maibalud ti mayor ta ti sanguen na a kaso ket awan ti pyansa na.
