Kayat ni Presidente Ferdinand Marcos Jr nga addanton iti kabiitan a panawen ti national learning recovery program kagiddan ti panangbigbigna a nasurok kagudwa kadagiti agad-adal iti grades 6,10, ken 12 ket saanda a naragpat ti ideal proficient levels ket nababa ti score da iti information literacy, problem solving, ken critical thinking skills.
Segun ken ni Marcos, masapul a maipatungpal ti learning recovery program a bassit laeng ti mataktak, nangruna iti basic education.
Innayon ti presidente a ti sistema ti edukasyon ti pagilian ket nasken a calibrated tapno saan laeng a masurwan dagiti agtutubo nga agbalin a literate, no di ket madevelop ida nga agbalin a problem solvers ken critical thinkers nga agkalikagum iti balligi ken nakasagana para iti masangwanan.
Malaksid dayta, kinuna ti presidente a ti digitalization ken solar powered electricity ket nasken nga agbalin nga standards features kadagiti pagadalan ken kadagiti klasrum ta daytoy ti reporma ti edukasyon babaen iti teknolohia.
