Iberberipika ti Philippine National Police ti authenticity ken context iti mapapati a leaked memorandum nga adda pakainaiganna iti isyu ti ilalasat ti convoy ti PNP iti EDSA bus lane.
Segun iti PNP, agtalinaedda a napudno iti transparency, accountability ken integridad iti amin nga operasyon ken komunikasyonda.
Inyunay-unayda ti kapulisan a saanda a kunsintren ti aniaman a gandat a panangmanipula iti opinyon ti publiko wenno iliklik ti atensyon manipud kadagiti napateg a patangan.
Agtultuloy pay nga ipatungpalda ti due process iti ania man a panaglabsing a nakairamanan dagiti kamengda.
Inallukoy ti PNP ti publiko a mangala laeng kadagiti impormasyon manipud kadagiti mapagtalkan a sources tapno maliklikan ti misinformation.
Segun iti PNP, agtalinaedda a napudno iti obligasyonda nga agserbi ken mangsalwad iti pagilian nga adda integridad ken propesyonalismoda.
