VIGAN CITY – Inallukoy ti League of Municipalities of the Philippines a tumaray kas senador ni LMP President Luis “Chavit” Singson.
2019 idi nagtugaw kas National President ti LMP ni Mayor Singson ket nakabukel kadagiti programa ken inisyatibo a nangpaneknek iti epektibo a lideratona kadagiti miembro isu a nalaus ti panangallukoy ken panangsuporta kenkuana dagiti padana a mayor.
Segun ti LMP, nagbalin nga instrumento ni Singson kadagiti policy reforms kangrunaan kadagiti local government units isu a natalek ti liga nga addanto pay nasaysayaat a maipaayna kadakuada.
Kas Local Chief Executive ken dati a National President of the Philippine Councilor’s League ket ammo ni Singson no ania dagiti mapaspasamak iti grassroots level.
Gapu ti dayta, patien ti LMP a ni Mayor Singson nga isu ti senador a kasapulan ti pagilian.
