Bumisita ni Laos Minister of Foreign Affairs Thongsavanh Phomvihane iti Pilipinas manipod August 12 agingga 14 para ti official visit kas pinasingkedan ti Department of Foreign Affairs (DFA).
Kinumpirmaran ti DFA iti panagbisita ti foreign minister kalpasan nga inimbitaran ni DFA Secretary Ma. Theresa Lazaro.
Segun ti DFA, bayat ti panagbisita ket agbalin a co-chair dagiti dua a minister iti 3rd Meeting of the Philippines-Lao PDR Joint Commission for Bilateral Cooperation idi August 13, 2025.
Ti panagbisita ti Laos foreign minister ket isunto ti agbalin a kaunaan a foreign minister manipod Association of Southeast Asian Nations (ASEAN) a pasangbayan ni Lazaro bayat ti panagtugawna kas DFA chief.
Maisayangkat ti panagbisita kagiddan ti maika-pitopulo a tawen a panagrambak ti diplomatic relations iti nagbaetan iti Pilipinas ken Laos.
Segun ti DFA, umabot iti duaribo a Pilipino idiay Laos PDR iti agtrabtrabaho iti biang ti education, hotel services, engineering ken infrastructure development.
Naiyetnag ti diplomatic relations iti nagbaetan ti Pilipinas ken Lao PDR idi January 14, 1955.
